சென்னை:சேலம் பெரியார் பல்கலைக்கழக துணைவேந்தர் ஜெகநாதன், சாதிப்பெயரைச் சொல்லி ஊழியரை அழைத்ததாக வன்கொடுமைச் சட்டத்தில் வழக்குப் பதிவு செய்யப்பட்டது. இதனையடுத்த், இது தொடர்பாக சேலம் நீதிமன்றம் ஜெகநாதனுக்கு ஜாமீன் வழங்கியது. இதனை எதிர்த்து காவல்துறை உயர் நீதிமன்றத்தில் வழக்கு தொடர்ந்தது.
அதேநேரம், தன் மீதான வழக்கை ரத்து செய்யக் கோரி, துணை வேந்தர் ஜெகநாதன் சென்னை உயர் நீதிமன்றத்தில் வழக்கு தொடர்ந்தார். இந்த வழக்கு விசாரணையின்போது, பணபரிமாற்றம் நடைபெற்றது விசாரணையில் கண்டுபிடிக்கப்பட்டதா என காவல்துறைக்கு நீதிபதி கேள்வி எழுப்பினார்.