சென்னை விமான நிலையத்துக்கு துபாயிலிருந்து ஃபிளை துபாய் சிறப்பு விமானத்தின் மூலமாக புதுக்கோட்டையை சேர்ந்த முகமது அப்துல்லா(40) என்ற பயணி வந்தடைந்தார். அப்போது முகமது அப்துல்லா அணிந்திருந்த முகக்கவசம் சற்றே வித்தியாசமாக இருப்பதை சுங்கத்துறை அலுவலர்கள் கவனித்தனர்.
சந்தேகத்தின் அடிப்படையில் சுங்கத்துறை அலுவலர்கள் அவரது முகக்கவசத்தை கழற்றச் சொல்லி சோதனை நடத்தினர். அதில் 85 கிராம் தங்க பேஸ்ட் ஒட்டிக்கொண்டு வரப்பட்டிருப்பது தெரியவந்தது. மேலும் அவருடைய உடைமைகளில் நடத்தப்பட்ட சோதனையில் ரூ. 8.13 லட்சம் மதிப்புள்ள ஐஃபோன், லேப்டாப்களும் கைப்பற்றப்பட்டன.