சென்னை, பூக்கடை N.S போஸ் சாலையில் உள்ள தனியார் விடுதியில் தகுந்த ஆவணம் இல்லாமல் தங்க நகைகளை கடத்துவதாக பூக்கடை காவல் துறையினருக்கு ரகசிய தகவல் கிடைத்தது. அதன் அடிப்படையில் பூக்கடை காவல் துறையினர் அதிரடியாக விடுதிகளில் சோதனை நடத்தினர்.
உரிய ஆவணம் இல்லாத 3 கிலோ தங்கம் பறிமுதல்!
சென்னை: முறையான ஆவணங்கள் இல்லாமல் தங்க நகைகளை கடத்துவதாக காவல் துறையினருக்கு வந்த தகவலின்படி நடத்திய சோதனையில் 3 கிலோ தங்கத்தை காவல் துறையினர் கைப்பற்றினர்.
கைப்பற்ற பட்ட தங்க நகைகள்.
இந்த சோதனையில் கேரளாவைச் சேர்ந்த பிஜு, ஸ்ரீரிஜின் என்பவரிடம் இருந்து தகுந்த ஆவணம் இல்லாமல் இருந்த மூன்று கிலோ தங்க நகைகளை காவல் துறையினர் பறிமுதல் செய்துள்ளனர்.
மேலும், பறிமுதல் செய்யப்பட்ட தங்க நகைகளை நுங்கம்பாக்கம் வருமானவரித் துறையிடம் ஒப்படைக்க உள்ளதாகவும், மேலும் இது குறித்து வருமானவரித் துறையினர் விசாரணை நடத்துவார்கள் எனவும் காவல் துறையினர் தெரிவித்துள்ளனர்.