சென்னை தாம்பரத்தில் நின்றுகொண்டிருந்த பேருந்தின் மீது பைக் மோதி கல்லூரி மாணவர் தங்கவேலு (20) என்பவர் உயிரிழந்தார். அதேபோன்று புழல் சிறைச்சாலை அருகே செங்குன்றத்திலிருந்து வந்த வழக்கறிஞர் ராமலிங்கம் என்பவர் லாரி மோதி உயிரிழந்தார்.
எண்ணூர் பகுதியில் இருசக்கர வாகனத்தில் சென்ற மீன் வியாபாரி சுந்தர் என்பவரது இருசக்கர வாகனம் மீது மற்றொரு இருசக்கர வாகனம் மோதியதில் சுந்தர் சம்பவ இடத்திலே உயிரிழந்தார். பேரூரை அடுத்த குமணன்சாவடி அருகே ஆட்டோ மோதி முகமது என்பவர் உயிரிழந்தார்.
சாந்தோம் பேராலயம் அருகே இருசக்கர வாகனம் மோதியதில் ஒரு பெண், அவருடைய குழந்தை ஆகியோர் படுகாயமடைந்தனர். தற்போது, இருவரும் ராயப்பேட்டை மருத்துவமனையில் அனுமதிக்கப்பட்டுள்ளனர். மேலும், ஆட்டோ மோதி காயமடைந்த எழும்பூர் குற்றப்பிரிவு ஆய்வாளர் ஜெயசித்ரா கீழ்பாக்கம் அரசு மருத்துவமனையில் அனுமதிக்கப்பட்டுள்ளார்.
சென்னைப் பல்கலைக்கழகம் அருகே வாகன சோதனையில் ஈடுபட்டிருந்த தரமணி சட்டஒழுங்கு ஆய்வாளர் புஷ்பராஜ் மீது இருசக்கர வாகனம் மோதியதில் படுகாயமடைந்தார். இதுபோன்ற சிறு சிறு விபத்துகள் ஆங்காங்கே நடந்துள்ளன.
இதையும் படிங்க:51 கிலோ கஞ்சா பறிமுதல்: 2 பெண்கள் உள்பட மூன்று பேர் கைது