பெண் பத்திரிகையாளர்கள் மீது அவதூறு: மா.கம்யூ., போராட்டம்

சென்னை: பெண் பத்திரிகையாளர்கள் மீது தொடர் அவதூறு கருத்துகளைப் பதிவிட்டுவரும் நபர்கள் மீது நடவடிக்கை எடுக்கத் தவறிய காவல் துறையினரைக் கண்டித்து மார்க்சிஸ்ட் கம்யூனிஸ்ட் கட்சியினர் காவல் ஆணையர் அலுவலகத்தை முற்றுகையிட முயன்றனர்.

சமூக வலைதளங்களில் தொடர்ந்து பெண் பத்திரிகையாளர்கள் பற்றி சில நபர்கள் அவதூறு பரப்பும் வகையில் கருத்துகளைப் பதிவிட்டுவருகின்றனர். இது தொடர்பாக மார்க்சிஸ்ட் கம்யூனிஸ்ட் கட்சி சார்பில் பலமுறை காவல் ஆணையர் அலுவலகத்தில் புகார் மனு அளிக்கப்பட்டுள்ளது.

ஆனால், இது தொடர்பாக காவல் துறையினர் எந்தவிதமான நடவடிக்கையும் எடுக்கவில்லை. இதனால் இன்று (ஆக.18) மார்க்சிஸ்ட் கம்யூனிஸ்ட் கட்சியின் சார்பில் அதன் மத்திய சென்னை மாவட்டத் தலைவர் செல்வா தலைமையில், தொண்டர்கள் பலர் காவல் ஆணையர் அலுவலகத்தை முற்றுகையிட முயன்றனர்.

அப்பொழுது அவர்களை எழும்பூர் ரயில் நிலையம் அருகே வேப்பேரி காவல் துறையினர் தடுத்து நிறுத்தினர். பின்னர் அங்கேயே போராட்டத்தில் ஈடுபட்ட மார்க்சிஸ்ட் கம்யூனிஸ்ட் கட்சியின் 18 பெண்கள் உள்பட 60 பேரை காவல் துறையினர் கைதுசெய்து அருகேயுள்ள திருமண மண்டபத்தில் அடைத்துவைத்தனர்.

இதையும் படிங்க: கிஷோர் கே சுவாமிக்கு தண்டனை பெற்றுத்தரும் வரை ஓய மாட்டோம்'