இடைத்தேர்தலில் திமுகவிற்கு ஆதரவு - சிபிஐ அறிவிப்பு

சென்னை: திருப்பரங்குன்றம், அரவக்குறிச்சி, ஒட்டப்பிடாரம், சூலூர் தொகுதிகளின் இடைத்தேர்தலில் திமுக கூட்டணி ஆதரவு தெரிவிப்பதாக இந்திய கம்யூனிஸ்ட் கட்சி அறிவித்துள்ளது.

இது குறித்து இந்திய கம்யூனிஸ்ட் கட்சி வெளியிட்ட அறிக்கையில்,

"தமிழகத்தில் காலியாக இருந்த திருப்பரங்குன்றம், அரவக்குறிச்சி, ஒட்டப்பிடாரம், சூலூர் தொகுதிகளுக்கான இடைத்தேர்தல், வரும் மே 19 அன்று நடைபெறும் என இந்திய தேர்தல் ஆணையம் அறிவித்துள்ளது. இது மதச்சார்பற்ற முற்போக்குக் கூட்டணிக்கு கிடைத்த வெற்றியாகும்.

இந்த நான்கு தொகுதிகள் உட்பட ஏற்கனவே அறிவிக்கப்பட்ட 18 சட்டமன்ற தொகுதி இடைத்தேர்தல்களில் போட்டியிடும் திமுக வேட்பாளர்களுக்கு, இந்தியக் கம்யூனிஸ்ட் கட்சி தனது ஆதரவை தெரிவிக்கிறது. இந்த மதச்சார்பற்ற முற்போக்கு கூட்டணி வேட்பாளர்களின் வெற்றிக்கு இந்தியக் கம்யூனிஸ்ட் கட்சி பாடுபடும். இந்த தொகுதிகளின் வாக்காளர்கள், இவர்களை பெருவாரியான வாக்குகள் வித்தியாசத்தில் வெற்றி பெறச் செய்ய வேண்டும், என்று கூறப்பட்டுள்ளது.