சென்னை கோட்டை காவல் நிலையத்தில் பணியாற்றி வரும் உதவி ஆய்வாளர் ஒருவர், கடந்த சில நாட்களாக பாரிமுனைப் பகுதியில் ரோந்து பணியில் ஈடுபட்டு வந்தார். இந்நிலையில், கடந்த இரண்டு நாட்களாக அவருக்கு உடல்நலக்குறைவு ஏற்பட்டுள்ளது.
இதைத்தொடர்ந்து, உதவி ஆய்வாளருக்கு கரோனா தொற்று இருக்கிறதா என்பதை கண்டறிய சுகாதாரத் துறை அலுவலர்கள், அவரை அழைத்துச் சென்று சளி, ரத்தப் பரிசோதனை செய்துள்ளனர். மேலும், ஓமந்தூரார் அரசு மருத்துவமனையில் சிகிச்சைக்காக அனுமதிக்கப்பட்டுள்ளார்.