மாம்பலம் காவல்நிலைய ஆய்வாளர் இடமாற்றம்!

சென்னை: சென்னை-மாம்பலம் காவல்நிலைய ஆய்வாளர் சம்பத்தை,தெற்கு மண்டலத்திற்கு (மதுரை) இடமாற்றம் செய்து காவல் ஆணையர் உத்தரவிட்டுள்ளார்.

மாம்பலம் காவல் நிலையத்தின் ஆய்வாளர் சம்பத், தன்னை கீழ் நிலையில் உள்ள நான்கு காவலர்கள் மிரட்டியதாக புகார் அளித்திருந்தார். இதனையடுத்து, அந்தப் புகாரின் அடிப்படையில், சதீஷ்குமார், சிவபாலன், மனோஜ் உள்ளிட்ட நான்கு காவலர்களும் காத்திருப்போர் பட்டியலுக்கு ஏற்கனவே மாற்றம் செய்யப்பட்டனர்.

இந்நிலையில்,சம்பந்தப்பட்ட நான்கு காவலர்களும் தனித்தனியாக காவல் ஆய்வாளர் சம்பத் மீது புகார் அளித்திருந்தனர். இந்த விவகாரம் தொடர்பாக காவல் துறையினர்விசாரணை மேற்கொண்டதையடுத்து, ஆய்வாளர் சம்பத் இடமாற்றம் செய்யப்பட்டுள்ளார்.