சென்னை: இந்தியாவில் முதன் முதலில் இந்தியில் பிக்பாஸ் நிகழ்ச்சிகள் தொடங்கப்பட்டன. இந்த நிகழ்ச்சி வெற்றிபெற்றதைத் தொடர்ந்து பல்வேறு மொழிகளிலும் தொடங்கப்பட்டது. தமிழில் 2017ஆம் ஆண்டுமுதல் விஜய் டிவியில் பிக்பாஸ் நிகழ்ச்சி ஒளிபரப்பாகிவருகிறது. இதுவரை நான்கு சீசன்கள் நிறைவடைந்துள்ளன.
இந்நிலையில் பிக்பாஸ் சீசன் 5 நிகழ்ச்சி வரும் அக்டோபர் 3ஆம் தேதிமுதல் விஜய் டிவியில் ஒளிபரப்பாக உள்ளது. இந்த சீசனையும் நடிகர் கமல் ஹாசன்தான் தொகுத்து வழங்க உள்ளார்.
போட்டியாளர்கள் குறித்த தகவல் நிகழ்ச்சி தொடங்க இன்னும் மூன்று நாள்கள் மட்டுமே உள்ள நிலையில் போட்டியாளர்கள் குறித்த தகவல்களை ரகசியமாக வைத்துள்ளது நிகழ்ச்சி குழு. இதனிடையே பிக்பாஸ் நிகழ்ச்சியில் பங்கேற்கும் போட்டியாளர்கள் குறித்த தகவலும் வெளியான வண்ணம் உள்ளது.
அதில் சூப்பர் சிங்கர் சீசன் 7இல் பங்கேற்ற பாடகர் சாம் விஷால், சீரியல் நடிகை பாவனி ரெட்டி, சார்பட்டா பரம்பரை படத்தில் நடித்த நடிகர் சந்தோஷ் பிரதாப், நடிகை ஷகீலாவின் வளர்ப்பு மகளான திருநங்கை மிலா ஆகியோரின் புகைப்படங்கள் இடம்பெற்றுள்ளன.