மாநில வளர்ச்சிக் கொள்கைக் குழு பணிகளில் தரவுகளை நேரடியாக பெற்று ஆய்வு செய்திட வசதியாக, ’எய்ம்ஸ்’ என்ற கைபேசி செயலியை ’இன்ஃபோ மேப்ஸ்’ என்ற நிறுவனம் வடிவமைத்துள்ளது.
இச்செயலியானது, நேரடியான கள ஆய்வின்போது ஆய்வுப் பகுதிகளில் உள்ள அடிப்படைக் கட்டமைப்பு வசதிகள், இயற்கை வளங்களை சேகரித்து காட்சிப்படுத்தி, தரவுகளை புவித் தகவலமைப்பு தளத்தில் நேரடியாக உள்ளீடு செய்வதுடன் பகுப்பாய்வு செய்தும் முடிவுகளை வழங்கும்.
மேலும், குடியிருப்புகளில் அடிப்படைக் கட்டமைப்பு வசதிகள், பொருளாதார நிலை ஆகியவற்றைக் கண்டறிந்து பகுப்பாய்வு செய்ய முடியும். வேளாண்மை, வன விலங்குகள், மீன் வளம், இயற்கைப் பேரிடர் சார்ந்த தரவுகளையும் நேரடியாகப் பெற்று பகுப்பாய்வு செய்து வழங்கும்.