அதிமுக வேட்பாளர் பட்டியல் இன்று வெளியீடு!

சென்னை: கூட்டணியில் இடம்பெற்றக் கட்சிகள் எந்தெந்த தொகுதிகளில் போட்டியிடும் என அறிவிப்பு வெளியிட்டுள்ள நிலையில், தங்கள் கட்சி சார்பில் நாடாளுமன்றத் தேர்தலில் போட்டியிடும் வேட்பாளர்கள் பட்டியலை அதிமுக தலைமைக் கழகம் இன்று மாலை அறிவிக்கும் என எதிர்பார்க்கப்படுகிறது.

மக்களவைத் தேர்தலில் போட்டியிடும் அதிமுக கூட்டணி கட்சிகளின் தொகுதி பங்கீட்டு பட்டியல் சென்னை ஆழ்வார்பேட்டையில் உள்ள தனியார் நட்சத்திர விடுதியில் இன்று வெளியிடப்பட்டது.

இந்தநிலையில் அதிமுக மாவட்ட செயலாளர்கள் கூட்டம் அக்கட்சியின் தலைமை அலுவலகத்தில் நடைபெற்று வருகிறது. இதில் கட்சியின் ஒருங்கிணைப்பாளர் ஓ.பன்னீர்செல்வம், துணை ஒருங்கிணைப்பாளர் பழனிசாமி உட்பட முக்கிய நிர்வாகிகள் பலா் கலந்துகொண்டுள்ளனர்.

ஏற்கனவே தொகுதிப் பங்கீடு வெளியிடப்பட்டதை தொடர்ந்து, கூட்டம் முடிந்த பின்னர் அதிமுக சார்பில் பேட்டியிட உள்ள வேட்பாளர்கள் பட்டியல் வெளியிடப்படலாம் என எதிர்பார்க்கப்படுகிறது.