பொதுவாக ஆடி மாதம் வந்துவிட்டாலே தமிழ் மக்களின் இல்லங்கள் தெய்வீக மணத்தால் நிரம்பித் திளைக்கும். ஆடி 1, ஆடி வெள்ளி, ஆடி 18 என தொடர் கொண்டாட்டங்களுடனும் பக்தி மனத்துடனும் மக்கள் வளைய வருவர். அந்த வகையில் இன்றைய ஆடி கிருத்திகையும் மிக விசேஷமான நாளாகும்.
சேயோன் முருகனை வளர்த்த நிதார்த்தனி, அபரகேந்தி, மேகேந்தி, வர்தயேந்தி, அம்பா, துலா எனும் கார்த்திகைப் பெண்கள் அறுவரையும் ஆசிர்வதித்த சிவபெருமான், அவர்களது நட்சத்திரமான கிருத்திகையில் விரதம் இருந்து முருகனை வழிபடுவோர் இன்னல்களும் பிணிகளும் தீர்ந்து சகல செல்வங்களையும் பெறுவர் என ஆசிர்வதித்தார்.
அது முதல் கந்தன் முருகனுக்கு உகந்த நாளான கிருத்திகைகளில் விரதமிருந்து நெக்குருகி முருகபக்தர்கள் வழிபட்டு வருகின்றனர். இதில் குறிப்பாக ஆடி மாதம் வரும் இன்றைய கிருத்திகை மிக சிறப்பான நாளாகக் கருதப்படுகிறது.