இந்திய கிரிக்கெட் அணியின் கேப்டன் விராட் கோலி - அனுஷ்கா சர்மாவுக்கு பெண் குழந்தை பிறந்துள்ளது. இந்த மகிழ்ச்சிகரமான செய்தியினை விராட் கோலி அவரது ட்விட்டர் பக்கத்தில் பகிர்ந்துள்ளார்.
அதில், "எங்களுக்கு பெண் குழந்தை பிறந்துள்ள செய்தியினை பகிர்வதில் மகிழ்ச்சி அடைகிறேன். அனைவரது அன்பு, பிரார்த்தனைகள், வாழ்த்துகள் ஆகியவற்றுக்கு நன்றி. அனுஷ்காவும், குழந்தையும் ஆரோக்கியமாக உள்ளனர். எங்கள் வாழ்க்கையின் இந்தப் புதிய அத்தியாயத்தைத் தொடங்குவதை ஆசிர்வாதமாக கருதுகிறோம்" எனக் குறிப்பிட்டுள்ளார். இதையடுத்து அவர்களுக்கு கிரிக்கெட் பிரபலங்களும், ரசிகர்களுக்கு சமூக வலைதளங்களில் வாழ்த்து கூறிவருகின்றனர்.