இந்திய அணியை வழிநடத்துகிறார் வேதா கிருஷ்ணமூர்த்தி!

அடுத்த மாதம் ஆஸ்திரேலிய மகளிர் ஏ அணியுடன் மோதவுள்ள இந்திய மகளிர் ஏ அணிக்கு புதிய கேப்டனாக வேதா கிருஷ்ணமூர்த்தி நியமிக்கப்பட்டுள்ளார்.

வருகிற டிசம்பர் மாதம் ஆஸ்திரேலிய மகளிர் ஏ கிரிக்கெட் அணியுடன் இந்திய மகளிர் ஏ அணி மூன்று போட்டிகள் கொண்ட ஒருநாள் மற்றும் டி20 தொடரில் விளையாடவுள்ளது. இதற்கான அணி தேர்வு நேற்று கொல்கத்தாவில் நடைபெற்றது.

இந்த தேர்வு கூட்டத்தில் இந்திய அணியின் வேதா கிருஷ்ணமூர்த்தி இந்திய மகளிர் ஏ அணியின் புதிய கேப்டனாக நியமிக்கப்பட்டுளார். மேலும் அனுஜா பட்டீல் துணைக்கேப்டனாகவும் நியமிக்கப்பட்டுள்ளார்.

வெஸ்ட் இண்டீஸ் அணிக்கு எதிரான தொடரில் இவர்கள் இருவரும் சிறப்பாக செயல்பட்டதினால் இந்திய மகளிர் ஏ அணியின் கேப்டனாக நியமிக்கப்பட்டுள்ளனர் என தேர்வு குழுத் தெரிவித்துள்ளது.

இந்திய மகளிர் ஏ அணி: வேதா கிருஷ்ணமூர்த்தி (கேப்டன்), அனுஜா பாட்டீல் (துணை கேப்டன்), பிரியா புனியா, ஷஃபாலி வர்மா, ஹார்லீன் தியோல், தேவிகா வைத்யா, டி ஹேமலதா, தனஸ்ரீ சர்க்கார், சுஷ்மா வர்மா, நுஜாத் பர்வீன் (விக்கெட் கீப்பர்) , அருந்ததி ரெட்டி, ரேணுகா சிங், மணாலி தட்சினி, டி.பி. கன்வார்.

இதையும் படிங்க: AUS vs PAK 2019: முதல் இன்னிங்ஸில் அதிரடி காட்டும் வார்னர் - பாக் பந்து வீச்சாளர்கள் திணறல்!