பேட்மிண்டன்: காலிறுதிச் சுற்றில் ஹெச்.எஸ்.பிரணாய்

நியூசிலாந்து ஓபன் பேட்மிண்டன் தொடரில், இந்திய வீரர் ஹெச்.எஸ். பிரணாய் காலிறுதிச் சுற்றுக்கு முன்னேறியுள்ளார்.

நியூசிலாந்து ஓபன் பேட்மிண்டன் தொடர் ஆக்லாந்து நகரில் நடைபெற்றுவருகிறது. இதில், ஆடவர் ஒற்றையர் பிரிவு இரண்டாவது சுற்றில் இந்திய வீரர் ஹெச்.எஸ். பிரணாய், இந்தோனேஷியாவின் டாமி சுகியார்ட்டோவுடன் ( Tommy Suagiarto) மோதினார்.

இப்போட்டியில் சிறப்பாக விளையாடிய பிரணாய் 21-14, 21-12 என்ற நேர் செட் கணக்கில் வெற்றிபெற்று காலிறுதிச் சுற்றுக்கு தகுதி பெற்றார். இதைத்தொடர்ந்து, நாளை நடைபெறவுள்ள காலிறுதிப் போட்டியில் அவர் ஜப்பானின் கன்ட்டா சுனேயமாவை ( Kanta Tsuneyama) எதிர்கொள்ளவுள்ளார்.

இதேபோன்று, முன்னதாக நடைபெற்ற போட்டியில் இந்திய வீரர் சாய் பிரனீத் 12-21, 12-21 என்ற நேர் செட் கணக்கில் சீன வீரர் லின் டானிடம் அதிர்ச்சித் தோல்வி அடைந்தார். ஆடவர் இரட்டையர் பிரிவு இரண்டாம் சுற்றுப் போட்டியில் இந்தியாவின் மனு அட்ரி - பி.எஸ். ரேட்டி ( Manu Attri - B.S Reddy), 17-21, 19-21 என்ற நேர் செட் கணக்கில் மலேசியாவின் கோ.வி.எஸ் - டான் இணையிடம் ( Goh V S - Tan W K) வீழ்ந்தது.