அறிமுக இயக்குநர் விவேக் இளங்கோவன் இயக்கியுள்ள 'வெள்ளைப்பூக்கள்' படத்தில் நடிகர் விவேக் ஓய்வு பெற்ற காவல் துறை அலுவலராக நடித்துள்ளார். சமீபத்தில் வெளியான இப்படத்தின் டீசர் ரசிகர்களின் மனதைக் கவர்ந்தது. இந்நிலையில் வெள்ளைப்பூக்கள் திரைப்படம் ஏப்ரல் 19ஆம் தேதி வெளியாகிறது. மேலும், சென்னையில் செய்தியாளர்கள் சந்திப்பு நிகழ்ச்சி நடைபெற்றது.
அப்போது பேசிய நடிகர் விவேக், 'எனது 32 ஆண்டு கால திரையுலக வாழ்க்கையில் வெள்ளைப்பூக்கள் போன்ற படத்தில் நான் நடித்ததில்லை என பத்திரிகை நண்பர்கள் பாராட்டி வருகின்றனர். இந்தப் படத்தில் முழுவதுமாக என்னுடைய தோற்றம் டயலாக் டெலிவரி எல்லாமே வேறு மாதிரியாக வித்தியாசமாக இருந்தது. இதில் நடித்தபோது இந்த படத்தை நானே வித்தியாசமாக உணர்ந்தேன். நகைச்சுவை நடிகர் விவேக்கிற்குள்ளும் இப்படி ஒரு சீரியஸான ஒரு நடிகர் இருக்கிறார் என்பதை பார்க்கையில் பிரமிப்பாக உள்ளது.