நடிகர்கள் ஆர்யா - விஷால் இணைந்து நடிக்கும் படம் 'எனிமி'. இப்படத்தை 'இருமுகன்', 'அரிமா நம்பி', 'நோட்டா' போன்ற படங்களை இயக்கிய ஆனந்த் சங்கர் இயக்கிவருகிறார்.
மினி ஸ்டூடியோஸ் சார்பில் வினோத்குமார் தயாரிக்கும் இப்படத்திற்கு தமன் இசை அமைக்கிறார். ஆர்.டி.ராஜசேகர் ஒளிப்பதிவு செய்கிறார். மிகப்பெரிய பட்ஜெட்டில், சென்னை, சிங்கப்பூர் உள்ளிட்டப் பல்வேறு இடங்களில் இப்படத்தின் படப்பிடிப்பு நடைபெற்றது.
ராமோஜி ராவ் ஃபிலிம் சிட்டியில் நடந்த படப்பிடிப்பு
படத்தின் படப்பிடிப்பு இறுதிகட்டத்தை நெருங்கியபோது, கரோனாவின் இரண்டாவது அலையால் பணிகள் நிறுத்தப்பட்டன. கரோனாவின் பரவல் குறைந்ததையடுத்து, எஞ்சியிருந்த படப்பிடிப்புகள் ஹைதராபாத் ராமோஜி ராவ் ஃபிலிம் சிட்டியில், சமீபத்தில் தொடங்கியது.