நடிகர் சூர்யா நடிப்பில் கடந்த ஆண்டு வெளியான ’சூரைப் போற்று’ திரைப்படம் ரசிகர்கள் மத்தியில் நல்ல வரவேற்பை பெற்றது. இதனையடுத்து அவர் இயக்குநர் பாண்டிராஜ் இயக்கத்தில் தனது 40வது படத்தில் நடிக்க ஒப்பந்தம் செய்யப்பட்டுள்ளார். இன்னும் பெயரிடாத இப்படத்தின் பூஜை சமீபத்தில் நடைபெற்ற நிலையில், அதில் சூர்யா தவிர மற்ற படக்குழுவினர் கலந்துகொண்டனர்.
இந்நிலையில், ‘சூர்யாவின் 40வது’ படத்தில் நடிகர் வினய் வில்லனாக நடிக்கவுள்ளதாக தகவல் வெளியாகியுள்ளது. இவர் கடைசியாக நேத்ரா படத்தில் நடித்திருந்தார் என்பது குறிப்பிடத்தக்கது.