தளபதி விஜய் இன்று தனது 46ஆவது பிறந்தநாளைக் கொண்டாடுகிறார். இதையொட்டி அவரது ரசிகர்கள் சமூக வலைதளங்களில் அவருக்குப் பிறந்தநாள் வாழ்த்து கூறிவருகின்றனர்.
இதற்கிடையில் விஜய் ரசிகர்களுக்கு சர்ப்ரைஸ் கொடுக்கும்விதத்தில் ‘மாஸ்டர்’ படக்குழு நேற்று இரவு போஸ்டர் ஒன்றை வெளியிட்டது. 'கொளுத்துங்கடா' என்று குறிப்பிடப்பட்டுள்ள அப்போஸ்டர் சமூக வலைதளங்களில் வைரலாகிறது.
இந்நிலையில் விஜய் ரசிகர்கள், பிறந்தநாள் ட்ரீட்டாக 'மாஸ்டர்' படத்தின் ட்ரெய்லர் வெளியிடுமாறு படக்குழுவிற்கு கோரிக்கைவைத்து-வருகின்றனர். அதுமட்டுமின்றி #MasterTrailer என்ற ஹேஷ் டேக்கை உருவாக்கி ட்விட்டரில் ட்ரெண்ட் செய்துவருகின்றனர்.
கரோனா வைரஸ் (தீநுண்மி) காரணமாக தனது பிறந்தநாளைக் கொண்டாட வேண்டாம் என்று ஏற்கனவே நடிகர் விஜய் தரப்பில் கூறப்பட்டது குறிப்பிடத்தக்கது.