திரிஷாவின் புதுப்படத்திற்கு கதை எழுதும் ஏ.ஆர்.முருகதாஸ்!

திரிஷாவின் புதுப்படத்திற்கு கதை எழுதுகிறார் இயக்குநர் ஏ.ஆர்.முருகதாஸ். இப்படத்தின் படப்பிடிப்பு வருகின்ற 19-ம் தேதி தொடங்கவுள்ளது.

தமிழில் சமீபத்தில் வெளியான 96 திரைப்படம் மக்கள் மத்தியிலும், ரசிகர்கள் மத்தியிலும் பெரும் தாக்கத்தை ஏற்படுத்தியது மட்டுமல்லாமல், படத்தை பற்றி பேசாதவர் எவரும் இல்லை. நீண்ட நாட்களுக்கு பிறகு திரிஷாவின் நடிப்பை அனைவரும் வியந்து பார்த்தனர்.

'96' திரைப்படத்திற்கு பிறகு சூப்பர் ஸ்டார் ரஜினியுடன் ஜோடிப் போட்டு 'பேட்ட' படத்தில் கிராமத்துப் பெண்ணாக நடித்திருந்தார். படத்தில் சிறிது நேரம் வந்தாலும், அவர் வரும் காட்சி மிகவும் அருமையாக பதிவு செய்திருந்தார்.

இந்நிலையில் இயக்குநர் சரவணன் அவர்களது இயக்கத்தில் முழுக்க முழுக்க பெண்ணிற்கு முக்கியத்துவம் கொடுத்து இயக்கப்படவுள்ள இப்படத்தில் திரிஷா இணையவுள்ளார். படத்திற்கு கதை, இயக்குநர் ஏ.ஆர்.முருகதாஸ் எழுதுகிறார். இப்படத்தின் படப்பிடிப்பு வருகின்ற 19-ம் தேதி தொடங்கவுள்ளது என்று படக்குழு அறிவித்துள்ளது.

சரவணன் இயக்கியப் படம் 'எங்கேயும் எப்போதும்' மற்றும் ஜெய் நடிப்பில் வெளியான 'வலியவன்' என்பது குறிப்பிடத்தக்கது.