அல்லு சில்லு செதறும் 'பிகில்'... தளபதி 63

’தளபதி 63’ படத்தின் ஃபர்ஸ்ட் லுக் போஸ்டர், படத்தின் தலைப்பை படக்குழு தற்போது அறிவித்துள்ளது.

தெறி', 'மெர்சல்' ஆகிய படங்களின் வெற்றியைத் தொடர்ந்து மூன்றாவது முறையாக இயக்குநர் அட்லி இயக்கத்தில் நடிகர் விஜய்யின் புதிய படம் விரைவில் வெளியாக உள்ளது.

'சர்கார்' படத்தின் வெற்றியை தொடர்ந்து விஜய் நடிக்கும் 63ஆவது படமாகும். இப்படத்திற்கு படக்குழு தற்காலிகமாக தளபதி 63 என்று பெயரிடப்பட்டு படப்பிடிப்பை நடத்தி வருகிறது. #தளபதி 63 என சமூக வலைதளங்களில் அவரது ரசிகர்கள் கொண்டாடியும் வருகின்றனர்.

நடிகர் விஜயின் பிறந்தநாளை முன்னிட்டு அவரது ரசிகர்கள் 'தளபதி 63' படத்தின் தயாரிப்பு நிறுவனத்திடம் படம் குறித்த அப்டேட்டை கேட்டனர். இதனையடுத்து இப்படத்தின் தயாரிப்பு நிறுவனமும் இன்று (ஜூன் 21) மாலை 5.59க்கு ’தளபதி 63’ படத்தின் ஃபர்ஸ்ட் லுக் போஸ்டரும் படத்தின் தலைப்பும் வெளியாகும் எனவும் தொடர்ந்து நள்ளிரவு 12 மணி அளவில் விஜயின் பிறந்தநாளை முன்னிட்டு இரண்டாவது லுக் போஸ்டரும் வெளியாகும் என்று அறிவித்திருந்தது.

அதன்படி படக்குழு தற்போது தளபதி 63க்கு 'பிகில்' என்று பெயரிடப்பட்டுள்ளது. படக்குழுவின் இந்த அறிவிப்பையடுத்து விஜய் ரசிகர்கள் விஜ்ய்யின் பிறந்தநாளை இப்போது இருந்தே கொண்டாட தொடங்கி உள்ளன.