அக்ஷ்ன், அட்வெஞ்சருடன் பின்னி பிடலெடுக்க வருகிறான் 'டெர்மினேட்டர்'!

அக்ஷ்ன், அட்வெஞ்சருடன் அதிரடியாக அர்னால்டின் டெர்மினேட்டர் திரைப்படத்தின் தமிழ் ட்ரைலர் வெளியாகி, பெரும் எதிர்பார்ப்பை ஏற்படுத்தியுள்ளது.

பிரபல ஹாலிவுட் நடிகர் அர்னால்டின் வாழ்க்கையில் திருப்புமுனையாக இருந்தது என்று சொல்லும் அளவுக்கு டெர்மினேட்டர் சீரிஸ் திரைப்படங்கள் இருந்தன.

ஆக்ஷ்ன், அட்வெஞ்சர் என பல திருப்புமுனைகளுடன் டெர்மினேட்டர் திரைப்படம், ஹாலிவுட் மட்டுமல்லாது டப் செய்யப்பட்ட மற்ற மொழிகளிலும் சக்கை போடு போட்டது. இந்தியாவில் அர்னால்டுக்கு தனி ரசிகர் பட்டாளமே உண்டு. அதனால்தான் இயக்குநர் ஷங்கர் தனது '2.0' திரைப்படத்திற்காக அர்னால்டை முதலில் தேர்வு செய்தார்.

தற்போது டிம் மில்லர் இயக்கத்தில் அர்னால்ட் நடிக்கும் 'டெர்மினேட்டர் டார்க் பெட்(dark fate)' திரைப்படம் அடுத்த மாதம் 1ஆம் தேதி இந்தியாவில் வெளிவர இருக்கிறது. ஆங்கிலம், ஹிந்தி, தமிழ், தெலுங்கு, கன்னடம், மலையாளம் என ஆறு மொழிகளில் வரயிருக்கிறதாம். இப்படத்தின் ட்ரைலர் தற்போது தமிழில் வெளியாகி, ரசிகர்களின் மனதில் பெரும் எதிர்பார்ப்பை ஏற்படுத்தியுள்ளது.