'தர்பார்' படத்தையடுத்து ரஜினிகாந்த், 'தலைவர் 168' படத்தில் நடித்துவருகிறார். சிறுத்தை சிவா இயக்கிவரும் இப்படத்தில் குஷ்பூ, கீர்த்தி சுரேஷ், மீனா, சூரி, சதிஷ் ஆகியோர் நடித்துவருகின்றனர். பொதுவாக சிவா படம் என்றாலே குடும்ப சென்டிமென்டாக இருக்கும் என்று அனைவரும் அறிந்த ஒன்றே. ஆதலால் 'தலைவர் 168' திரைப்படமும் குடும்ப சென்டிமென்டை அடிப்படையாக வைத்தே இருக்கும் என்று எதிர்பார்க்கப்படுகிறது.
இந்த நிலையில் தலைவர் 168 படத்தின் தலைப்பு குறித்த தகவல் வெளியாகியுள்ளது. அதன்படி படத்திற்கு 'மன்னவன்' அல்லது 'அண்ணாத்த' என்று தலைப்பு வைக்கப்பட்டுள்ளதாகப் பேசப்படுகிறது. இருப்பினும் படத்தின் தலைப்பை ரஜினிகாந்த் இன்னும் உறுதி செய்யவில்லை என்பது குறிப்பிடத்தக்கது.