ஒவ்வொரு படப்பிடிப்பு முடிவடைந்த பின்பு இமயமலைக்கு செல்வதை ரஜினி வழக்கமாக கொண்டிருந்தார். ஆனால் சில ஆண்டுகளாக உடல்நலக் குறைவு உள்ளிட்ட காரணங்களால் அவர் இமயமலைக்கு செல்வதை தவிர்த்து வந்தார். காலா, 2.O உள்ளிட்ட படங்களின் படப்பிடிப்பு முடிந்தவுடன் மீண்டும் இமயமலைக்கு செல்லத் தொடங்கினார்.
இந்நிலையில், தர்பார் படப்பிடிப்பு முடிவடைந்ததையடுத்து ரஜினிகாந்த் ஆன்மீக பயணமாக இமயமலைக்கு புறப்பட்டுச் சென்றார். இதற்காக ரஜினி நேற்று சென்னையில் விமானம் மூலம் டேராடூன் சென்றார். பின் அவர் ரிஷிகேஷில் உள்ள சுவாமி தயானந்த ஆசிரமத்தில் தங்கினார்.