சிபிராஜின் 'கபடதாரி' படப்பிடிப்பு நிறைவு

சென்னை: சிபிராஜ் நடிப்பில் உருவாகி வரும் 'கபடதாரி' படத்தின் படப்படிப்பு முழுமையாக நிறைவடைந்துள்ளது.

கிரியேட்டிவ் என்டெர்டெயினர்ஸ் அண்டு டிஸ்ட்ரிபியூட்டர்ஸ் நிறுவனம் தயாரிக்கும் படம் 'கபடதாரி'. கன்னடத்தில் வெளியாகி வெற்றிபெற்ற 'காவலுதாரி' என்ற படத்தின் தமிழ் ரீமேக்கான இப்படத்தில், சிபிராஜூக்கு ஜோடியாக நந்திதா ஸ்வேதா நடிக்கிறார்.

நடிகர்கள் சத்யராஜ், நாசர், ஜெயப்பிரகாஷ், ஜே.எஸ்.கே உள்ளிட்டோர் முக்கியக் கதாபாத்திரங்களில் நடிக்கின்றனர். 'விஸ்வரூபம்' படப்புகழ் பூஜாகுமார் கபடதாரி படத்தில் ஒரு முக்கியக் கதாபாத்திரத்தில் நடிக்க உள்ளார். 'சத்யா' திரைப்படத்தின் இயக்குநர் பிரதீப் கிருஷ்ணமூர்த்தி இத்திரைப்படத்தையும் இயக்குகிறார். சைமன் கிங் இசையமைக்கிறார்.

'கபடதாரி' படப்பிடிப்பில் சிபிராஜ்

கரோனா பாதிப்பால் இப்படத்தின் படப்பிடிப்பு முழுமையாக முடிவடையாமல் இருந்தது. தற்போது ஊரடங்குத் தளர்வு காரணமாக, சென்னைக்கு அருகில் உள்ள பகுதிகளில் மூன்று நாட்களாக படத்தின் படப்பிடிப்புப் பணிகள் நடைபெற்று வந்தது.

கபடதாரி படப்பிடிப்பில் ஜெயப்பிரகாஷ்

தற்போது, 'கபடதாரி' படத்தின் முழு படப்பிடிப்பும் இன்று (செப்டம்பர் 30) நிறைவடைந்து உள்ளதாக படக்குழுவினர் அறிவித்துள்ளனர்.

கபடதாரி படப்பிடிப்பு நிறைவு

'கபடதாரி' குழுவினர், திரையரங்குகள் திறப்பு குறித்த அறிவிப்பு வெளியான உடன், திரையரங்குகளில் ரிலீஸ் செய்வது குறித்து அறிவிக்க இருப்பதாகத் தகவல்கள் தெரிவிக்கின்றன. நவம்பர் மாதத்தில் படத்தை ரிலீஸ் செய்ய படக்குழு திட்டமிட்டுள்ளது.