பண்ணை வீட்டில் ஓய்வெடுக்கும் 'அண்ணாத்த'

சென்னை: சூப்பர் ஸ்டார் ரஜினிகாந்த் கேளம்பாக்கத்தில் உள்ள தனது பண்ணை வீட்டில் ஓய்வெடுத்துவருகிறார்.

ஊரடங்கு உத்தரவு காரணமாக பல்வேறு துறை சார்ந்தவர்கள் வீட்டிலேயே முடங்கிக் கிடக்கின்றனர். குறிப்பாக, திரைப்படத் துறையில் இருப்பவர்கள் இந்த ஓய்வு நேரத்தை பயனுள்ள செயல்களைச் செய்து கழித்துவருகின்றனர்.

அந்தவகையில் நடிகர் ரஜினிகாந்த் நேற்று (ஜூலை 20) தனது பண்ணை வீட்டிற்கு ஓய்வெடுக்கச் சென்றுள்ளார். கேளம்பாக்கத்திலுள்ள தனது பண்ணை வீட்டிற்கு ரஜினிகாந்த் தனது லம்போர்கினி காரை ஓட்டுநர் இல்லாமல் ஓட்டிச் சென்ற புகைப்படம் இணையதளங்களில் வைரலானது.

இதையடுத்து நடிகர் ரஜினிகாந்த் தனியாக எங்கு சென்று இருப்பார் என்ற கேள்வி நெட்டிசன்கள் மத்தியில் எழுந்திருந்த நிலையில், ரஜினிகாந்த் அவரது பண்ணை வீட்டில் இருக்கும் புகைப்படம் தற்போது வெளியாகியுள்ளது. அவரது மகள் சவுந்தர்யா, சவுந்தர்யாவின் கணவர் விசாகன், அவரது மகன் வேத் ஆகியோரும் பண்ணை வீட்டிற்குச் சென்றுள்ளனர். இந்தப் புகைப்படமும் தற்போது இணையத்தில் வைரலாகிவருகிறது.