ஏஆர் முருகதாஸ் இயக்கத்தில் ரஜினி, நயன்தாரா ஆகியோர் முன்னணி கதாபாத்திரங்களில் நடித்து வெளியாகவுள்ள திரைப்படம் ‘தர்பார்’. இதில் பிரதிக் பப்பார், சுனில் ஷெட்டி, நிவேதா தாமஸ், யோகி பாபு உள்ளிட்ட பலரும் முக்கிய கதாபாத்திரங்களில் நடித்துள்ளனர். லைகா நிறுவனம் தயாரிப்பில் உருவாகியுள்ள இப்படத்துக்கு அனிருத் இசையமைத்திருக்கிறார். பொங்கல் வெளியீடாக இப்படம் திரைக்கு வர உள்ளது.
இதனயைடுத்து இப்படத்தின் கடைசிகட்ட படப்பிடிப்பு சமீபத்தில் சென்னையில் நடந்து முடிந்தது. அப்போது படப்பிடிப்பு தளத்திற்கு தென் சென்னை ரஜினி மக்கள் மன்ற துணை செயலாளர் ராகவா விக்னேஷூம் அவரது மனைவி ஜெகதீஸ்வரியும் வந்துள்ளனர். நிறைமாத கர்ப்பிணியான ஜெகதீஸ்வரி ரஜினியிடம் தந்தை ஸ்தானத்தில் இருந்து வளைகாப்பு வளையல் அணிவிக்கும்படி கேட்டிருக்கிறார்.
உடனே ரஜினியும் வளைகாப்பு வளையலை அவரது கைகளில் அணிவித்து வாழ்த்தியுள்ளார். அப்போது எடுக்கப்பட்ட புகைப்படத்தை ராகவா விக்னேஷ் தனது ட்விட்டர் பக்கத்தில் பதிவிட்டுள்ளார்.