நடிகர் கதிர், அறிமுக இயக்குநர் குமரன் இயக்கத்தில் நடித்திருக்கும் படம் ஜடா. இப்படத்தை பொயட் ஸ்டுடியோ நிறுவனம் தயாரித்துள்ளது. இப்படத்தில் கதிருக்கு ஜோடியாக புதுமுக நயாகி ரோஷினி நடித்து வருகிறார். மேலும் இவர்களுடன் யோகிபாபு, ஆடுகளம் கிஷோர், லிஜீஸ், ஓவியர் ஸ்ரீதர் உள்ளிட்டோர் முக்கிய கதாபாத்திரத்தில் நடித்துள்ளனர்.
இப்படத்தில், வட சென்னை கால்பந்தாட்ட வீரராக கதிர் நடிக்கிறார். இதில் ஏழு பேர் கொண்டு ஆடும் கால்பந்தாட்டத்தை பற்றிய கதையம்சமாக உருவாக்கப்பட்டுள்ளது.
இந்த படத்தின் டீசரை விக்ரம் வேதா குழுவினர் மாதவன், விஜய்சேதுபதி, ஷ்ரத்தா, வரலட்சுமி, இயக்குநர் புஷ்கர் காயத்ரி வெளியிட்டுள்ளார்.
அட்லி இயக்கத்தில் நடிகர் விஜய் நடிப்பில் உருவாகி வரும் பிகில் படமும் கால்பந்தாட்டத்தை மையப்படுத்தி உள்ளது. இப்படத்திலும் கதிர் முக்கிய கதாபாத்திரத்தில் நடிகிறார். தீபாவளி வெளியீடாக இப்படம் உள்ளது. இந்நிலையில், ஜடா படத்தை விரைவில் வெளியிடவும் படக்குழு முடிவு செய்யப்பட்ட நிலையில், இது குறித்த அறிவிப்பு விரைவில் வெளியாகும் என எதிர்பார்க்கப்படுகிறது.