மேலாடையின்றி கைகளில் ரத்தக்கறையுடன் போஸ் கொடுக்கும் 'மஹா' ஹன்சிகா

நடிகை ஹன்சிகா நடித்துவரும் 'மஹா' படத்தின் சிறப்பு போஸ்டர் வெளியாகியுள்ளது.

எட்செட்ரா என்டர்டெயின்மெண்ட் நிறுவனம் தயாரிப்பில் இயக்குநர் ஜமீல் இயக்கும் புதிய படம் 'மஹா'. நடிகைக்கு முக்கியத்துவம் உள்ள இந்த படத்தில் ஹன்சிகா நடித்துவருகிறார்.

திரில்லர் பாணியல் தயாராகிவரும் இப்படம் ஹன்சிகாவின் 50ஆவது படமாகும். இப்படத்திற்கு இசையமைக்கும் ஜிப்ரானுக்கு இது 25ஆவது படமாகும்.

மஹா படத்தில் சிம்பு சிறப்பு தோற்றத்தில் நடித்துள்ளார். நேற்று முன்தினம் (ஆக.09) தனது பிறந்தநாளை கொண்டாடிய ஹன்சிகாவுக்கு வாழ்த்து தெரிவிக்கும் விதமாக, படக்குழுவினர் சிறப்பு போஸ்டர் ஒன்றை வெளியிட்டுள்ளனர். இந்த போஸ்டரை ஆர்யா தனது ட்விட்டர் பக்கத்தில் வெளியிட்டு இருந்தார். இதில் மேலாடையின்றி இரு கைகளிலும் ரத்தக்கறையுடன் ஹன்சிகாதோன்றியுள்ளார்,.

மஹா படத்தின் புதிய போஸ்டர்

படத்தின் ஃபர்ஸ்ட் லுக்கில் நடிகை ஹன்சிகா சாமியார் போல் காவி உடை அணிந்து சுருட்டு பிடித்தவாறு வாயிலிருந்து புகைவிடுவது போல் வெளியான போஸ்டர் சர்ச்சையை கிளப்பியது. ரத்தம் முழுக்க நிரம்பியிருக்கும் பாத் டப்பில் கையில் துப்பாக்கியுடன் ஹன்சிகா இருப்பது போன்று வெளியான செகண்ட் லுக் போஸ்டர் மீதும் விமர்சனங்கள் எழுந்தன என்பது குறிப்பிடத்தக்கது.