டொவினோவின் 'கிலோ மீட்டர் & கிலோ மீட்டர்' - பர்ஸ்ட் லுக் வெளியீடு

மலையாள நடிகர் டொவினோ தாமஸ் நடிக்கும் 'கிலோ மீட்டர் & கிலோ மீட்டர்' திரைப்படத்தின் பர்ஸ்ட் லுக் போஸ்டரை படக்குழு வெளியிட்டுள்ளது.

தனுஷின் 'மாரி 2' திரைப்படத்தில் வில்லனாக நடித்தவர் டொவினோ தாமஸ்.

மலையாளத் திரையுலகில் வளர்ந்துவரும் இளம் நடிகரான இவர், மோகன்லால் நடிப்பில் வெளியாகி வசூல் சாதனை நிகழ்த்திய 'லூசிஃபர் ' திரைப்படத்தில் அவருக்கு சகோதரராக நடித்திருந்தார்.

மோகன்லாலுடன் டொவினோ

மேலும், ஒரு மெக்சிக்கன் அபாரதா, மாயநதி, தீவண்டி, வைரஸ் உள்ளிட்ட 30க்கும் மேற்பட்ட படங்களில் நடித்துள்ள டொவினோ, தற்போது 'கிலோ மீட்டர் & கிலோ மீட்டர்' என்ற புதிய படத்தில் நடித்துள்ளார்.

இந்தப் படத்தை '2 பெண் குட்டிகள்', 'குஞ்சு தெய்வம்' ஆகிய படங்களை இயக்கிய ஜியோ பேபி இயக்கியுள்ளார்.

இந்தியாவிலிருந்து அமெரிக்காவுக்கு பயணம் மேற்கொள்ளும் இளைஞனின் வாழ்க்கையில் நடக்கும் சுவாரஸ்யமான அனுபவங்களை மையப்படுத்தி உருவாகியிருக்கும் இந்தப்படத்தை ரம்ஷி அஹமது, ஆன்டோ ஜோசப், டொவினோ தாமஸ், சினு சித்தார்த் உள்ளிட்டோர் தயாரித்துள்ளனர்.

சூரஜ் எஸ் குரப் இசையமைக்கும் இப்படத்திற்கு சினு சித்தார்த் ஒளிப்பதிவு செய்துள்ளார். இப்படத்தின் இறுதிகட்டப்பணிகள் நடைபெற்றுவரும் நிலையில், தற்போது இதன் பர்ஸ்ட் லுக் போஸ்டரை படக்குழு வெளியிட்டுள்ளது.