நடிகை ஹன்சிகாவின் 50ஆவது படமாக உருவாகியிருக்கிறது 'மஹா'. உபைத் ரஹ்மான் ஜமீல் இயக்கியுள்ள இப்படத்தில், சிம்பு முக்கியக் கதாபாத்திரத்தில் நடித்துள்ளார்.
மேலும் கருணாகரன், சனம் ஷெட்டி, மஹத், தம்பி ராமய்யா உள்ளிட்டோர் இப்படத்தில் நடித்துள்ளனர். சுமார் இரண்டு ஆண்டுகளுக்கு முன்பு தொடங்கிய இப்படத்தின் பணிகள் ஒரு சில காரணங்களால் தள்ளிப்போயின.
இதனையடுத்து தற்போது இப்படம் தொடர்பாக ஏற்பட்ட சிக்கல்களைச் சரிசெய்து படக்குழு ஒரு வழியாக வெளியிடத் திட்டமிட்டுள்ளது. அதன் ஒரு பகுதியாக படத்தின் டீசரை நடிகர் சிவகார்த்திகேயன் இன்று (ஜூலை 2) தனது ட்விட்டர் பக்கத்தில் வெளியிட்டுள்ளார்.