'வெயில்', 'அங்காடி தெரு', 'அரவான்', 'காவியத்தலைவன்' என வித்தியாசமான படங்களை இயக்கி சினிமா ரசிகர்கள் மத்தியில் வரவேற்பைப் பெற்றவர் இயக்குநர் வசந்தபாலன். இவர் தனது பள்ளி நண்பர்களுடன் இணைந்து 'அர்பன் பாய்ஸ் ஸ்டுடியோஸ்' என்னும் தயாரிப்பு நிறுவனத்தை சமீபத்தில் தொடங்கினார்.
இந்த நிறுவனத்தின் முதல் படத்தை வசந்தபாலன் தற்போது இயக்கி வருகிறார். இன்னும் பெயரிடப்படாத இந்தப் படத்தில், 'கைதி', 'மாஸ்டர்' படங்களில் வில்லனாக மிரட்டிய அர்ஜுன்தாஸ் ஹீரோவாக நடிக்கிறார். துஷாரா விஜயன் நாயகியாகவும், சிங்கம்புலி, பரணி, ஷா ரா ஆகியோர் முக்கியக் கதாபாத்திரங்களிலும் நடிக்கின்றனர். ஜிவி பிராகாஷ் இசையமைக்கிறார்.