கரோனா வைரஸ் தொற்றுப் பரவுவதைத் தடுக்க நாடு முழுவதும் வரும் 14ஆம் தேதி வரை ஊரடங்கு உத்தரவு அமலில் உள்ளது. அத்தியாவசியத் தேவைகள் தவிர மக்கள் வேறு எதற்காகவும் வீட்டைவிட்டு வெளியே வர வேண்டாம் என்ற உத்தரவு பிறப்பிக்கப்பட்டுள்ளது. இருப்பினும் மக்கள் வீட்டை விட்டு வெளியில் சுற்றித் திரிக்கின்றனர்.
இந்நிலையில் பொதுமக்கள் அனைவரும் ஊரடங்கு உத்தரவை கடைப்பிடிக்க வேண்டும் என்று திரையுலக பிரபலங்கள் சிலர் ரசிகர்களுக்கு அறிவுரை வழங்கி வருகின்றனர். சிலரோ கரோனா வைரஸ் தொற்று குறித்து பாடல் மூலம் விழிப்புணர்வு ஏற்படுத்தி வருகின்றனர்.