’கே.வி.ஆனந்த் மறைவை ஏற்றுக்கொள்ள முடியவில்லை’ - இயக்குநர் ஷங்கர்

சென்னை: கே.வி.ஆனந்த் மறைவை என்னால் ஏற்றுக்கொள்ள முடியவில்லை என இயக்குநர் ஷங்கர் தெரிவித்துள்ளார்.

பிரபல இயக்குநரும், ஒளிப்பதிவாளருமான கே.வி. ஆனந்த் இன்று (ஏப்ரல்.30) அதிகாலை மாரடைப்பு காரணமாகக் காலமானார். இவரின் உடலைப் பரிசோதித்த மருத்துவர்கள் அவருக்கு கரோனா தொற்று இருப்பதை உறுதி செய்தனர். கே.வி. ஆனந்த் மறைவு திரையுலகினர் மத்தியில் பெரும் சோகத்தை ஏற்படுத்தியுள்ளது.

இயக்குநர் ஷங்கர் ட்விட்

இந்நிலையில் கே.வி.ஆனந்த் மறைவு குறித்து இயக்குநர் ஷங்கர் தனது ட்விட்டர் பக்கத்தில் பதிவு ஒன்றை வெளியிட்டுள்ளார். அதில், “என் இதயம் மிகவும் கனமாக உள்ளது. கே.வி. ஆனந்த் மறைவு கேட்டு அதிர்ச்சியடைந்தேன். என்னால் அவர் மறைவை ஏற்றுக்கொள்ள முடியவில்லை. நான் என் அன்பு நண்பரை இழந்துவிட்டேன். அவர் ஒரு அற்புதமான ஒளிப்பதிவாளர். இந்த இழப்பை ஈடு செய்யவே முடியாது. அவரது ஆன்மா சாந்தியடையட்டும்” என குறிப்பிட்டுள்ளார்.