'அசுர குரு' படத்தின் இசை வெளியீட்டு விழா

சென்னை: ஜேபிஎஸ் பிலிம்ஸ் தயாரிப்பில் அறிமுக இயக்குனர் ராஜ்தீப் இயக்கத்தில் நடிகர் விக்ரம் பிரபு நடிக்கும் 'அசுர குரு' படத்தின் இசை வெளியீட்டு விழா நடைபெற்றது.

ஜேபிஎஸ் பிலிம்ஸ் தயாரிப்பில் அறிமுக இயக்குனர் ராஜ்தீப் இயக்கத்தில் நடிகர் விக்ரம் பிரபு நடிக்கும் படம் அசுர குரு. இந்த படத்தில் நடிகை மகிமா நம்பியார், யோகிபாபு, பாகுபலி சுப்பாராஜ், மனோபாலா உள்ளிட்ட பலர் நடித்துள்ளனர். இந்த படத்தின் இசை வெளியீட்டு விழா சென்னை பிரசாத் லேப்பில் நடைபெற்றது. இதில் நடிகர் விக்ரம் பிரபு, நடிகை மகிமா நம்பியார், இயக்குனர் பாக்கியராஜ் உள்ளிட்ட பிரபலங்கள் கலந்து கொண்டனர்.

விழாவில் நடிகர் விக்ரம் பிரபு பேசுகையில், இது மிகவும் சந்தோஷமான நாள். இந்த படத்தின் படப்பிடிப்பு கடந்த பிப்ரவரி மாதம் தொடங்கியது. அறிமுக இயக்குநர்களுடன் பணிபுரிவது நல்ல விஷயம். அவர்களிடமிருந்து நானும் அதிக அளவில் கற்றுக்கொள்கிறேன். அசுர குரு படத்தில் கதை எங்களுக்கு அதிக வேலை கொடுத்தது. அதிகமாக வேலை வாங்கியது. இந்த படம் முழுவதும் நல்ல டீம் ஒர்க் உள்ளது என்றார்.