இயக்குநர் மிஷ்கின் இயக்கத்தில் நடிகர் விஷால் நடித்த துப்பறிவாளன் திரைப்படம் கடந்த 2017ஆம் ஆண்டு வெளியாகி அமோக வரவேற்பை பெற்றது. இப்படத்தை விஷால் பிலிம் பேக்டரி சார்பில் நடிகர் விஷாலே தயாரித்திருந்தார். க்ரைம் திரில்லராக உருவான இப்படத்தில் நடிகர் விஷால் துப்பறியும் நிபுணராக கணியன் பூங்குன்றன் என்ற கதாபாத்திரத்தில் நடித்திருந்தார். ஷெர்லக் ஹோம்ஸ் படத்தில் வரும் அதிபுத்திசாலி துப்பறியும் நிபுணர் போல விஷால் நடித்திருந்தது ரசிகர்களின் கவனத்தை ஈர்த்தது.
துப்பறிவாளன் திரைப்படத்தில், பிரசன்னா, ஆண்ட்ரியா, வினய், பாக்யராஜ், சிம்ரன் ஆகியோரும் நடித்திருந்தனர்.