தம்பி ரஞ்சித் உன்ன நான் பாராட்ட மாட்டேன் - நெகிழ்ச்சி அடைந்த நாசர்

ஆர்யா நடிப்பில் வெளியான 'சார்பட்டா பரம்பரை' படத்தை பார்த்த நாசர் இயக்குநர் பா.ரஞ்சித்தை வெகுவாக பாராட்டியுள்ளார்.

பா.ரஞ்சித் இயக்கத்தில் அமேசான் ஓடிடி தளத்தில் வெளியாகியுள்ள படம் 'சார்பட்டா பரம்பரை'. இதில் ஆர்யா, துஷாரா, பசுபதி, கலையரசன் உள்ளிட்டோர் முன்னணி கதாபாத்திரங்களில் நடித்துள்ளனர்.

ரசிகர்கள் மட்டுமல்லாது திரைப்பிரபலங்கள் உள்ளிட்ட பல்வேறு தரப்பினரும் இப்படத்தை கொண்டாடி வருகின்றனர். இந்நிலையில், தமிழ் சினிமாவின் முன்னணி நடிகர்களில் ஒருவரான நாசர் இப்படத்தை பார்த்து விட்டு இயக்குநர் பா. ரஞ்சித்தை வெகுவாக பாராட்டி நெகிழ்ச்சியுடன் கடிதம் ஒன்றை எழுதியுள்ளார்.

நடிகர் நாசரின் கடிதம்

அதில், "தம்பி ரஞ்சித், உன்ன நான் பாராட்டமாட்டேன். உன்கையப் பிடித்து ஒரு நூறு முத்தங்கள் கொடுத்து நன்றின்னு ஒரு வார்த்த மனசாரா சொல்லுவேன். இப்படி ஒரு படம் எஞ்சமூகத்துக்கு கொடுத்ததுக்கு...நாசர்" என அதில் குறிப்பிட்டுள்ளார்.