நடிகர் மாதவனின் +2 மதிப்பெண் எவ்வளவு தெரியுமா?

நடிகர் மாதவன் தனது +2 மதிப்பெண் குறித்து வெளிப்படையாக அறிவித்துள்ளார்.

தமிழ்நாடு, புதுச்சேரி யூனியன் பிரதேசத்தில், கடந்த மார்ச் மாதம் +2 பொதுத்தேர்வு நடைபெற்றது. அத்தேர்வின் முடிவுகள் இன்று (ஜூலை 16) வெளியிடப்பட்டன. வழக்கம்போல், இந்த முறையும் மாணவர்களை விட, மாணவிகளே அதிகமாக தேர்ச்சிப் பெற்றுள்ளனர்.

இந்நிலையில் மாணவர்களுக்கு வாழ்த்து தெரிவித்து, நடிகர் மாதவன் தனது ட்விட்டர் பக்கத்தில் பதிவு ஒன்றை வெளியிட்டுள்ளார்.

அதில், "இந்த போர்டு எக்ஸாமில் நினைத்தபடி நல்ல மதிப்பெண் வாங்கியவர்களுக்கு வாழ்த்துகள்.

மற்றவர்களுக்கு நான் சொல்வது, எனது போர்டு எக்ஸாமில் நான் வெறும் 58 விழுக்காடு தான் எடுத்தேன். அதனால், இனிமேல் தான் ஆட்டமே ஆரம்பமாகிறது, என் இனிய நண்பர்களே'' என்று குறிப்பிட்டுள்ளார்.

மாதவனின் இப்பதிவு சமூக வலைதளங்களில் வைரலாகிறது.