வர்ணாலயா சினி கிரியேஷன் பிரைவேட் லிமிடெட் நிறுவனம் தயாரிப்பில் இயக்குநர் கீரா இயக்கும் 'பற' படத்தின் இசைவெளியீட்டு விழா சென்னை பிரசாத் கலர் லேபில் நடைபெற்றது. இந்த விழாவில் படத்தின் கதாநாயகன் சமுத்திரகனி, பா.ரஞ்சித், தயாரிப்பாளர் ராஜன் உள்ளிட்ட ஏராளமானோர் கலந்துகொண்டனர். இந்த விழாவில் பேசிய தயாரிப்பாளர் ராஜன் கூறியதாவது:
50 பெண்கள் வந்தால் சின்மயி நாசம்- தயாரிப்பாளர் ராஜன் ஆவேசம் தற்போது பலர் மீம்ஸ்கள் போடுகிறார்கள். யாராவது புகழ்பெற்றவர்கள் இருந்தால் அவர்களை தொட முடிகிறதோ இல்லையோ மீம்ஸ் போட்டு அவர்களின் பெயரை கெடுப்பது போன்றவை அதிகமாக நடந்தாலும் இப்போது குறைந்து இருக்கிறது.
இதே போன்று நடிகை குஷ்பூ தன்னை தொட்டவரை அடித்துவிட்டார். கண்டிப்பாக அடிக்க வேண்டும் தாய்மார்களை தவறாக பயன்படுத்துபவரை அடிப்பதில் தவறு இல்லை. அதனால் குஷ்பூ செய்தது சரிதான். இதேபோல் தமிழை நிலைநிறுத்திக் கொண்டிருக்கும் வைரமுத்துவை, வாய்ப்பு கிடைத்தால் நான் அவரை கன்னத்தில் அறைவேன் என்று ஒரு பெண் கூறியிருக்கிறாள்.
15 ஆண்டுகளுக்கு முன்பு நடந்த விஷயத்திற்காக, நான் கேட்கிறேன் உன்னுடைய நோக்கம்தான் என்ன? ஏன் அவரை இப்படி செய்கிறாய்?வைரமுத்துவுக்கு ஏன் இப்படி அநியாயம் செய்து கொண்டிருக்கிறாய்? இது நல்லதல்ல, எங்கள் ஏரியாவில் இருந்து 50 பெண்கள் ஒன்று சேர்ந்தால் உன்னை நாஸ்தி ஆக்கிவிடுவார்கள். இவ்வாறு அவர் கூறினார்.
