மத்திய அரசு கொண்டுவந்த வேளாண் சட்டங்களை எதிர்த்து டெல்லி, அதன் எல்லைப் பகுதிகளில் ஆயிரக்கணக்கான விவசாயிகள் மூன்று மாதங்களுக்கு மேலாகப் போராட்டம் நடத்திவருகின்றனர். இந்தப் போராட்டத்திற்கு காங்கிரஸ் உள்ளிட்ட பல எதிர்க்கட்சிகளும் ஆதரவு அளித்துவருகின்றன.
இந்நிலையில், சர்வதேச அளவில் பிரபல பாப் பாடகி ரிஹான்னா, சூழலியல் செயற்பாட்டாளர் கிரேட்டா தன்பெர்க், பிரபல மாடல் மியா கலிபா உள்ளிட்டோர் ஆதரவு கொடுக்க தொடங்கினர்.
இதனையடுத்து இந்தப் போராட்டத்தின் முக்கியத்துவம் உலகம் முழுவதும் பரவியது. தற்போது விவசாயிகளின் போராட்டத்திற்கு ஆதரவு தெரிவித்து பாலிவுட் நடிகை சோனாக்ஷி சின்ஹா ஒரு சிறிய பாடலைப் பாடி தனது சமூக வலைதளப்பக்கத்தில் வெளியிட்டுள்ளார்.
1 நிமிடம் 19 விநாடி ஓடும் இந்தக் காணொலியில், "ஏன் எல்லோரும் இந்தக் கேள்வியைக் கேட்கிறார்கள், நாங்கள் ஏன் சாலைகளில் இறங்கினோம், வயல்வெளிகளை விட்டு வெளியேறி நாங்கள் ஏன் இந்த நகரங்களுக்குள் நுழைந்தோம், வயல்களை உழவுசெய்யும் நாங்கள் ஏன் இப்போது இந்த அரசியலில் இறங்கினோம்?" என்று பொருள்படக்கூடிய வரத் பட்நகர் எழுதிய இந்தி கவிதையை சோனாக்ஷி சின்ஹா பாடியுள்ளார். இந்தப் பாடலானது தற்போது நெட்டிசன்களால் அதிகம் பகிரப்படுகிறது.
இதையும் படிங்க: பாஜகவில் மரியாதை இல்லை: நடிகை சோனாக்ஷி சின்ஹா