அமெரிக்க முன்னாள் அதிபர் பராக் ஒபாமா அரசியல் தவிர்த்து சமூக சேவை, விளையாட்டு, திரைப்படங்கள், இசை உள்ளிட்ட பல துறைகளிலும் மிகுந்த ஆர்வம் கொண்டவர்.
அந்த வகையில் 2019ஆம் ஆண்டு வெளியாகி ஹிட் கொடுத்த பாடல்களில் தனக்குப் பிடித்தமான பாடல்களின் பட்டியலை தற்போது வெளியிட்டுள்ளார்.
அந்தப் பட்டியலில் கர்வான் படத்திற்கு இசையமைத்தவரும், இசையமைப்பாளர், பாடகர், பாடலாசிரியர் என பன்முகம் கொண்டவருமான பிரதீக் குஹத் எழுதிய Cold/Mess என்ற பாடல் இடம்பிடித்துள்ளது.
பாராக் ஒபாமா - பிரதீக் குஹத் மேலும், சம்மர் வாக்கரின் பிளேயிங் கேம்ஸ், பயான்ஸ் மூட் 4 ஈவா, தி பிளாக் கீஸ் கோ உள்ளிட்ட பல பாடல்களும் ஒபாமாவின் பிளே லிஸ்டில் இடம்பிடித்துள்ளன. இசை மட்டுமல்லாது தனக்கு பிடித்த படங்கள், புத்தகங்கள் உள்ளிட்ட அனைத்தையும் பட்டியலிட்டு ஒபாமா வெளியிட்டுள்ளார்.
இதுகுறித்து அவர் தனது ட்விட்டர் பக்கத்தில், 'உங்களை ஒரு நீண்ட பயணத்தில் வைத்திருக்கவோ அல்லது ஒரு புத்துணர்ச்சியான தருணத்தை உணர வைக்கவோ இவை அனைத்தும் நிச்சயம் உறுதுணையாக இருக்கும் என நம்புகிறேன்' என்று பதிவிட்டுள்ளார்.
இதனைக் கண்டு வியப்பில் ஆழ்ந்த இசையமைப்பாளர் பிரதீக் குஹத், உடனடியான ஒபாமாவுக்கு நன்றி தெரிவித்து ட்வீட் பதிவிட்டுள்ளார்.
அதில், 'இப்படி நடக்கும் என்று நினைத்துக்கூடப் பார்க்கவில்லை. இன்று என்னால் உறங்க முடியுமா என்றும் தெரியவில்லை. எனது Cold/Mess இந்த அளவுக்கு பிரபலமாகும்; 2019 எனக்கு சிறப்பாக அமைந்துவிடும் என்றும் நினைக்கவில்லை. நன்றி பராக் ஒபாமா, நன்றி பிரபஞ்சம்! என்ன ஒரு மரியாதை என நெகிழ்ச்சியுடன் பதிவிட்டுள்ளார்.
இசையமைப்பாளர் பிரதீக் குஹத்
இதையும் படிங்க...
ஷாருக்கான் ரசிகர் தற்கொலை மிரட்டல் - ட்விட்டரை ஆக்கிரமித்த #ஹேஷ்டேக்
