கரோனா ஊரடங்கால் கிரிக்கெட்டை மிஸ் செய்த கத்ரீனா!

மும்பை: கரோனா ஊரடங்கு காரணமாக தான் கிரிக்கெட் விளையாட முடியாமல் போனதாக நடிகை கத்ரீனா கைஃப் கூறியுள்ளார்.

உலகப் பெருந் தொற்று நோயான கரோனா வைரஸ் காரணமாக, பல நாடுகள் தேசிய ஊரடங்கு உத்தரவை அமல்படுத்தின. ஊரடங்கால் பொது மக்களின் வாழ்க்கை வெகுவாக பாதிக்கப்பட்டுள்ளது. மேலும் பொருளாதாரமும் கடுமையாக வீழ்ச்சி அடைந்துள்ளது. சினிமா படப்பிடிப்புகள் நிறுத்தி வைக்கப்பட்டுள்ளதால், பிரபலங்கள் தங்கள் குடும்பத்தினருடன் இருந்து வருகின்றனர்.
இந்நிலையில், நடிகை கத்ரினா கைஃப் தனது இன்ஸ்டாகிராம் பக்கத்தில் கிரிக்கெட் பேட் உடன் இருக்கும் புகைப்படத்தைப் பதிவிட்டுள்ளார். அதில், கிரிக்கெட்டை மிஸ் செய்கிறேன். கிரிக்கெட் விளையாட எப்போதும் தயாராக உள்ளேன் என்று குறிப்பிட்டுள்ளார்.