லாஸ் ஏஞ்சல்ஸ்:"ஆரோன்ஸ் பார்ட்டி (கம் கெட் இட்)" ஆல்பத்தின் மூலம் புகழ்பெற்ற பாப் பாடகரான ஆரோன் கார்ட்டர் நேற்று(நவ-5) அவரது வீட்டில் உள்ள பாத்டப்பினுள் இறந்துகிடந்தார். அவருக்கு வயது 34. பேக் ஸ்ட்ரீட் பாய் குழுவில் உள்ள நிக் கார்டரின் சகோதரரான ஆரோன் கார்ட்டர் கலிபோர்னியாவின் லான்காஸ்டரில் உள்ள இல்லத்தில் வசித்து வந்தார்.
அமெரிக்க காவல்துறையின் செய்தித்தொடர்பாளர் கூறுகையில், 'கார்ட்டரின் வீட்டில் இருந்த பாத்டப்பில் இருந்து நேற்று (நவ-5) காலை 10.58 மணி அளவில் இறந்த நிலையில் ஒருவர் கண்டெடுக்கப்பட்டுள்ளார். அவரை இன்னும் தெளிவாக அடையாளம் காண இயலவில்லை எனத் தெரிவித்திருந்தார். பின்னர் கார்ட்டரின் குடும்ப உறுப்பினர்கள் அவர் இறந்ததை உறுதிபடுத்தினர். மேலும் அவரது வருங்கால மனைவி மெலனி மார்டின், ‘இந்த துரதிர்ஷ்டவசமான யதார்த்தத்தை ஏற்றுக்கொள்ள வேண்டிய கட்டாயத்தில் இருக்கிறோம்’ எனத்தெரிவித்தார்.