கரோனா வைரசை உலகுக்கு அறிமுகப்படுத்திய பெண்மணி ஜூன் அல்மீதா. வைரஸ் இமேஜிங் என்ற தொழில்நுட்பத்தைக் கொண்டு, நுண்கருவி மூலம் நடத்திய ஆய்வில் கரோனாவின் வடிவத்தை உலகிற்கு தந்தவர் அல்மீதா.
1930ஆம் ஆண்டு அக்டோபர் 5ஆம் தேதி ஸ்காட்லாந்தில் உள்ள க்லாஸ்கோவில் பிறந்த அல்மீதாவின் தந்தை ஒரு பேருந்து ஓட்டுநர். இளம்வயதில் இருந்தே கற்றலில் தீவிரமான ஆர்வம் கொண்ட அல்மீதா, குடும்ப பொருளாதார சூழல் காரணமாக 16 வயதிலேய படிப்பை கைவிடும் சூழல் உருவானது.
பின்னர் லேப் டெக்னீசியனாக பணிபுரியத் தொடங்கிய இவர், லன்டனின் பார்மெலோ மருத்துவமனையில் பணிபுரியும் போது வைரஸ் உள்ளிட்ட நுண்ணுயிர் கிருமிகள் பரிசோதனைகளில் ஈடுபடத் தொடங்கினார். பின்னர் கனடாவுக்கு குடிபெயர்ந்த அவர், அங்குள்ள ஆய்வுக் கூடத்தில் பணியாற்றத் தொடங்கி வைரஸ் ஆராய்ச்சி குறித்து பல்வேறு ஆய்வுக் கட்டுரைகளை எழுதியுள்ளார்.
லன்டனில் உள்ள தாமஸ் மருத்துவக் கல்லூரி பேராசிரியர் ஏ.பி. வாட்டர்சன் அல்மீதாவைச் சந்தித்து, தன்னுடன் இணைந்து பணியாற்றுமாறு கோரிக்கை வைத்தார்.
கோரிக்கையை ஏற்று செயின்ட் தாமஸ் மருத்துவக் கல்லூரியில் ஆலோசகராக சேர்ந்த அவர் ஓய்வு பெற்ற பல ஆண்டுகளுக்குப் பிறகும் பணியைத் தொடர்ந்தார். மேலும் எய்ட்ஸ் நோயை உருவாக்கும் எச்.ஐ.வி வைரஸின் முதல் உயர்தர படங்களை வெளியிட உதவினார்.
கரோனா வைரஸை எப்படி கண்டுபிடித்தார்
நுண்ணிய துகள்களுடன் பணிபுரியும் போது, எதைத் தேடுவது என்று தெரிந்து கொள்வது கடினம். ஒரு எலக்ட்ரான் நுண்ணோக்கியானது எலக்ட்ரான்களின் கற்றை கொண்ட ஒரு மாதிரியை வெடிக்கச் செய்து, பின்னர் மாதிரியின் மேற்பரப்புடன் துகள்களின் தொடர்புகளைப் பதிவு செய்கிறது.
ஒளியை விட மிகக் குறைந்த அலைநீளங்களை எலக்ட்ரான்கள் கொண்டிருப்பதால், இது விஞ்ஞானிகளுக்கு மிகச் சிறிய விவரங்களைக் கொண்ட ஒரு படத்தை மட்டுமே காட்டுகிறது.
இந்த சிக்கலைத் தீர்க்க, முன்னர் பாதிக்கப்பட்ட நபர்களிடமிருந்து எடுக்கப்பட்ட ஆன்டிபாடிகளை, வைரசைக் குறிக்க பயன்படுத்தலாம் என்று அல்மீதா உணர்ந்தார்.
ஆன்டிபாடிகள் அவற்றின் ஆன்டிஜென் என்ற அம்சங்கள் மூலம் ஈர்க்கப்படுகின்றன. ஆகவே அல்மீதா ஆன்டிபாடிகளில் பூசப்பட்ட சிறிய துகள்களை அறிமுகப்படுத்தியபோது, அவை வைரசை சுற்றி கூடி, அதன் இருப்பை எச்சரிக்கின்றன.
இந்த நுட்பம் நோயாளிகளுக்கு வைரஸ் தொற்றுநோய்களைக் கண்டறிய ஒரு வழியாக எலக்ட்ரான் நுண்ணோக்கியைப் பயன்படுத்த மருத்துவர்களுக்கு உதவியது.
அல்மீதா ரூபெல்லா உள்ளிட்ட பல வைரஸ்களை அடையாளம் கண்டு, இது கர்ப்ப காலத்தில் சிக்கல்களை ஏற்படுத்தும் என விவரித்தார். விஞ்ஞானிகள் பல தசாப்தங்களாக ரூபெல்லாவை எழுத்துகளின் மூலமாகவே விவரணை செய்த நிலையில், அல்மீதா தான் முதலில் நுண்நோக்கி வழியே பார்க்கச் செய்தார்.
சளிக்கு காரணமான வைரஸ்களை அடையாளம் காண அல்மீதாவின் ஆய்வுகள் உதவின. நோய் எதிர்ப்பு எலக்ட்ரான் நுண்ணோக்கியைப் பயன்படுத்தி, ஹெபடைடிஸ் பி வைரஸுக்கு இரண்டு தனித்துவமான கூறுகள் இருப்பதைக் கண்டறிந்தார்.
மேற்பரப்பு கூறுக்கான ஆன்டிபாடிகள் நோய்த்தொற்றுக்கு எதிராக ஒரு பாதுகாப்பு விளைவைக் கொண்டிருக்கின்றன என்பதை விஞ்ஞான சமூகம் புரிந்துகொண்டு இது நோய்க்கான தடுப்பூசியை உருவாக்க உதவியது.
1970 களில், அவரது வெளியீடுகளுக்கு டாக்டர் ஆஃப் சயின்ஸ் (டி.எஸ்.சி) என்ற விருது வழங்கப்பட்டது.1979 ஆம் ஆண்டில், உலக சுகாதார நிறுவனத்திற்கான விரைவான ஆய்வக வைரஸ் நோயறிதலுக்கான கையேட்டை அவர் எழுதினார்.
வெல்கம் ஆராய்ச்சி ஆய்வகத்தில் தனது இறுதி ஆய்வு பணிகளை மேற்கொண்ட அல்மீதா அங்கு அவர் நோயறிதல் ஆய்வுகள் மற்றும் தடுப்பூசி வளர்ச்சியை உருவாக்கினார். ஓய்வுக்குப்பின் யோகா ஆசிரியராகப் பயிற்சி பெற்று வெற்றிகரமாக பல வகுப்புகளையும் நடத்தினார். 2007ஆம் ஆண்டு தனது 77வது வயதில் அல்மீதா இயற்கை எய்தினார்.
இதையும் படிங்க:கரோனாவுக்கு பிந்தைய உலகம் கண்டுள்ள பெரும் மாற்றங்கள் என்ன? ஒரு அலசல்
