பாகிஸ்தான் பிரதமர் இம்ரான்கான் பாகிஸ்தான் ஆக்கிரமிப்பு காஷ்மீரின் சட்டப்பேரவையில் பிப்ரவரி மாதம் 5ஆம் தேதி உரையாற்றினார். அதைத்தொடர்ந்து பாகிஸ்தான் ஆக்கிரமிப்பு காஷ்மீரிலுள்ள தலைவர்கள் பங்கேற்ற ஆலோசனைக் கூட்டம் அந்நாட்டு வெளியுறவுத் துறை அமைச்சர் ஷா மஹ்மூத் குரேஷி தலைமையில் நடைபெற்றது.
அப்போது பேசிய குரேஷி, "காஷ்மீர் பிரச்னைக்கு நிரந்தரத் தீர்வை முன்வைத்தால் மட்டுமே, தெற்கு ஆசியப் பகுதியில் அமைதியும் ஸ்திரத்தன்மையும் உண்டாகும். காஷ்மீர் சிக்கல் என்பது பாகிஸ்தான் வெளியுறவுக் கொள்கையில் ஒரு முக்கிய இடத்தைத் தொடர்ந்து பெற்றிருக்கும்" என்றார்.