வாஷிங்டன்: அமெரிக்க அதிபர் ஜோ பைடன், ஐக்கிய நாடுகளின் பொதுச்செயலாளர் அன்டோனியோ குட்டெரெஸுடன் பேசினார். இருவரும், கோவிட்-19ஐ எதிர்த்துப் போராடுவது உள்ளிட்ட அவசர உலகளாவிய சிக்கல்களில் தங்களது கூட்டாண்மையை வலுப்படுத்த வேண்டியதன் அவசியம் குறித்துப் பேசியுள்ளனர்.
எதிர்காலப் பொதுச்சுகாதாரத்தை எதிர்கொள்ளுவது, காலநிலை மாற்றம் அச்சுறுத்தலை எதிர்கொள்வது, பாதுகாப்பு, அமைதியை நிலைநிறுத்துவது, ஜனநாயகம், மனித உரிமைகளை மேம்படுத்துவது, மோதல்களைத் தீர்ப்பது உள்ளிட்டவை குறித்தும் அவர்கள் இருவரும் விவாதித்துள்ளனர்.
மேலும், அர்ஜென்டினாவின் அதிபர், ஆல்பர்டோ பெர்னாண்டஸுடன் பேசிய ஜோ பைடன், கோவிட்-19ஐ எதிர்கொள்வது, உலகப் பொதுச் சுகாதாரத்தை மேம்படுத்துதல் உள்ளிட்டவற்றில் அந்நாட்டுடன் இணைந்து பணியாற்றுவதாக உறுதியளித்துள்ளார்.