இயக்குநர் மணிரத்னம் இயக்கத்தில் நடிகர்கள் ஜெயம் ரவி, கார்த்தி, விக்ரம், சரத்குமார், ஐஸ்வர்யா ராய், த்ரிஷா, பார்த்திபன், ஜெயராம் எனப் பல முன்னணி நட்சத்திரங்கள் நடித்துள்ள திரைப்படம் ‘பொன்னியின் செல்வன்’.
எழுத்தாளர் கல்கி எழுதிய ‘பொன்னியின் செல்வன்’ நாவலைத் தழுவி, இயக்குநர் மணிரத்னம் இத்திரைப்படத்தை எடுத்துள்ளார். இரண்டு பாகங்களாக உருவாகியுள்ள இப்படத்தின் முதல் பாகம் அடுத்த மாதம் 30ஆம் தேதி வெளியாகவுள்ளது.
சமீபத்தில் வெளியான இந்தப் படத்தின் முதல் பாடலான 'பொன்னி நதி' பாடல் ரசிகர்கள் மத்தியில் மிகுந்த வரவேற்பைப் பெற்றுள்ளது. இந்நிலையில், விக்ரம் நடித்துள்ள ஆதித்த கரிகாலனை மையாகக் கொண்டு உருவான 'சோழா சோழா' என்ற பாடல் இன்று(ஆக.19) மாலை வெளியாகியுள்ளது. இதன் வெளியீட்டு விழா ஹைதராபாத்தில் பிரமாண்டமாக நடைபெற்றது.
இசையமைப்பாளர் ஏஆர்.ரஹ்மான் இசையில் உருவாகியுள்ள இப்பாடல் விக்ரமின் கதாபாத்திரமான ஆதித்ய கரிகாலனை விவரிக்கும் பாடலாக உருவாகியுள்ளது. இப்பாடலையும் இளங்கோ கிருஷ்ணன் எழுதியுள்ளார். இப்பாடல் ரசிகர்கள் மத்தியில் மிகுந்த வரவேற்பைப் பெற்று வருகிறது.
இதையும் படிங்க: ’கோப்ரா படத்தில் ஏழு கெட்டப்கள் திணிக்கப்பட்டதல்ல...!’ - விக்ரம்