"பத்து தல" டப்பிங்கை முடித்தார் பிரியா பவானி சங்கர்!

கிருஷ்ணா இயக்கத்தில் சிம்பு நடித்துள்ள "பத்து தல" படத்தில், தனது டப்பிங் பணிகள் நிறைவடைந்துள்ளதாக நடிகை பிரியா பவானி சங்கர் தெரிவித்துள்ளார்.

சென்னை: 'சில்லுன்னு ஒரு காதல்' படத்தை இயக்கிய கிருஷ்ணாவின் இயக்கத்தில், நடிகர் சிம்பு 'பத்து தல' என்ற படத்தில் நடித்துள்ளார். ஸ்டூடியோ கிரீன் சார்பில் ஞானவேல் ராஜா தயாரிக்கும் இந்தப் படத்தில் கௌதம் கார்த்திக், கலையரசன், பிரியா பவானி சங்கர் உள்ளிட்டோர் முக்கிய கதாப்பாத்திரங்களில் நடித்துள்ளனர்.

இப்படத்திற்கு ஏ.ஆர்.ரஹ்மான் இசை அமைத்துள்ளார். இந்தத் திரைப்படம் கன்னடத்தில் நடிகர் சிவராஜ்குமார் நடிப்பில் வெளியாகி சூப்பர் ஹிட்டான 'மஃப்டி' திரைப்படத்தின் அதிகாரப்பூர்வ ரீமேக் ஆகும். இப்படத்தின் படப்பிடிப்பு அண்மையில் நிறைவடைந்ததாக படக்குழு தெரிவித்தது.

இந்த நிலையில் இப்படத்தில் தனது டப்பிங் பணிகள் நிறைவடைந்துள்ளதாக பிரியா பவானி சங்கர் தெரிவித்துள்ளார். டப்பிங்கின்போது எடுத்த புகைப்படங்களையும் அவர் தனது ட்விட்டர் பக்கத்தில் பதிவிட்டுள்ளார். கடந்த வருடமே வெளியாக வேண்டிய இப்படம் பல்வேறு பிரச்னைகளுக்குப் பிறகு இந்த ஆண்டு மார்ச் 30ஆம் தேதி வெளியாக உள்ளது.