15 years of Sivaji : ஏவிஎம்-மின் அடுத்த சர்ப்ரைஸ்

சிவாஜி படத்தின் இயக்குநரான ஷங்கர், நடிகர் ரஜினிகாந்த்தை சந்தித்த புகைப்படத்தை வெளியிட்டுள்ளார். இந்த புகைப்படம் தற்போழுது சமூக வலைதளங்களில் வைரலாகி வருகிறது.

கடந்த 2007இல் ரஜினிகாந்த் நடிப்பில், ஷங்கர் இயக்கத்தில் ஏ.ஆர்.ரஹ்மான் இசையமைத்த இப்படம், பட்டிதொட்டி எங்கும் ஹிட் அடித்து உலகளவில் வசூல் சாதனை புரிந்தது. வெளியான முதல் வாரத்திலேயே யு.கே டாப் 10 தரவரிசையில் இடம்பிடித்த முதல் தமிழ்ப்படம் என்ற பெருமையையும் பெற்றது.

கமர்ஷியல் படமாக வெளியான இத்திரைப்படம் எதிர்பார்த்த வசூலை விட பாக்ஸ் ஆபிஸில் சாதனை புரிந்து ரஜினியின் சிறந்த படமாகவும் அமைந்தது. 60 கோடி பட்ஜெட்டில் தயாரான இப்படம் 150 கோடிக்கும் மேல் வசூல் செய்தது குறிப்பிடத்தக்கது.

தமிழ்நாட்டில் 175 நாட்களுக்கு மேல் வெற்றிகரமாக ஓடிய திரைப்படங்களில் சிவாஜியும் ஒன்று. இந்த நிலையில் ரசிகர்கள் ட்விட்டரில் #15yearsofsivaji என்ற ஹேஸ்டேக்கை டிரெண்ட் செய்து , படம் வெளியானபோது எடுத்துக்கொண்ட புகைப்படங்களைப் பதிவிட்டு கொண்டாடி வருகின்றனர்.

இந்நிலையில் இதனைக்கொண்டாடும் வகையில் அடுத்தடுத்து சிவாஜி படத்தின் மேக்கிங் வீடியோ மற்றும் சுவாரஸ்யமான பல புகைப்படங்களையும் வீடியோக்களையும் ஏவிஎம் நிறுவனம் தனது ட்விட்டர் பக்கத்தில் பதிவிட்டு வருகிறது.

இதன் தொடர்ச்சியாக மேலும் ரசிகர்களுக்கு உற்சாகம் ஊட்டும் வகையில், ’இன்று (ஜூன் 15) மாலை 6 மணிக்கு சூப்பர் ஸ்டார் ரஜினிகாந்த் ஆடியோ பதிவு ஒன்றை வெளியிட உள்ளார், என ஏவிஎம் நிறுவனம் தெரிவித்துள்ளது. இதற்கிடையில் சிவாஜி படத்தின் இயக்குநரான ஷங்கர் நடிகர் ரஜினிகாந்த்தை சந்தித்த புகைப்படத்தை வெளியிட்டுள்ளார். இந்த புகைப்படம் தற்பொழுது சமூக வலைதளங்களில் வைரலாகி வருகிறது.

இதையும் படிங்க:விஜய் ஆண்டனி படத்தில் ஜி பி முத்து - பர்ஸ்ட் லுக் போஸ்டர் வெளியீடு