வாஷிங்டன்: உலக அளவில் அதிகமான ரசிகர்கள் ஆவலோடு எதிர்பார்த்த அவதார்-2; தி வே ஆஃப் வாட்டர் திரைப்படம் வரும் டிச.16அன்று உலகம் முழுவதும் உள்ள திரையரங்குகளில் வெளியாக உள்ளது. பிரமாண்ட இயக்குநர் ஜேம்ஸ் கேமரூனின் இயக்கத்தில் பல கோடி செலவில் உருவாகியுள்ள இப்படத்தின் ட்ரெய்லர் கடந்த நவம்பர் மாதம் வெளியாகி ரசிகர்களிடையே வரவேற்பைப் பெற்று வரும் நிலையில் இப்படத்தின் தீம் பாடலான 'Nothing is Lost' நேற்று (டிச.7) வெளியாகியுள்ளது.
கனடா நாட்டைச் சேர்ந்த பாடகர் மற்றும் பாடலசிரியரான ‘தி வீக்கெண்ட்’ இந்தப் பாடலை அவரது ட்விட்டரில் வெளியிட்டுள்ளார். இந்தப் பாடலை ‘தி வீக்கெண்ட்’ எழுதியுள்ளார். ஸ்வீடிஸ் ஹவுஸ் மாஃபியா மற்றும் சைமன் ஃபிராங்கிளின் தயாரித்துள்ளனர். இதன் ஒரிஜினல் பாடலை கிராமி விருது பெற்ற பாடகரான சைமன் ஃபிராங்கிளின் பாட உள்ளார்.